لم تتأخر مصممة الأزياء والفنانة المغربية المعتزلة بسمة بوسيل كثيرا عن الرد على مبادرة زوجها للصلح.

ونشرت بسمة عبر خاصية الستوري بموقع “إنستغرام”: “فعلا اتهورت، بس عشان بحبك، آسفة”، وذلك بعد رسالة العتاب التي وجهها لها الفنان تامر حسني، بسبب إعلانها عن انفصالهما وإخراج مشاكلهما الخاصة للعلن.

وقال تامر عبر خاصية الستوري: “بسمة حبيبتي للأسف إنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني عليها وحبيتيني بيها، إزاي وصلوكي للزعل والبعد فترة؟ المهم أنا مش هزعل منك ولا يرضيني زعلك. إنتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير”.

وأضاف :”ليه لما أي حد بيزعل من حد بيطلع يكتب عليه في السوشيال ميديا؟ طب حتي يكلمه الأول. إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم ويا ريتها مشكلة أصلا.. ربنا جعل ما بينا مودة ورحمة عشان كدا للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم، مع إنك مكنتيش كده”.

وتابع :”يا ريتك تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللى سعوا في الخير لينا، وأنا واثق إنك دلوقتي زعلانة إنك كتبتي كدا. هو تصرف متهور منك بس ولا يهمك، مش عيب إن الإنسان يغلط ويتعلم وأنا ياما علمتك ولسة هعلمك. كان نفسي الكلام ده يكون بينا لكن إنتي أشركتي الجمهور الكريم فكان لازم أرد هنا. بينا حب عالي وحياة كريمة وأولادنا وبيتنا أغلى ما فيها. ربنا يخلينا ليهم ويخليهم لينا يا رب.. متهورة بس بحبك”.

 

المصدر: شوف تي في